അജ്മീര്‍: രാജസ്ഥാനില്‍ കൊവിഡ് പ്രതിരോധ വാക്‌സിന്‍ നല്‍കാന്‍ വീട്ടിലെത്തിയ മെഡിക്കല്‍ സംഘത്തിനു നേരെ മൂര്‍ഖനെ കാണിച്ച് യുവതിയുടെ ഭീഷണി.
അജ്മീര്‍ ജില്ലയില്‍ വാക്‌സിന്‍ നല്‍കാന്‍ വീട്ടില്‍ കയറിയാല്‍ പാമ്പിനെ ദേഹത്തേക്ക് വലിച്ചെറിയുമെന്നാണ് ഇവര്‍ ഭീഷണി മുഴക്കിയത്.
ഇതിന്റെ വിഡിയോ ദൃശ്യങ്ങള്‍ വൈറലായി. ഫണം വിടര്‍ത്തി നില്‍ക്കുന്ന മൂര്‍ഖനെ കൈയില്‍ പിടിച്ചായിരുന്നു യുവതി മെഡിക്കല്‍ സംഘത്തെ പ്രതിരോധിച്ചത്.
പിസന്‍ഗന്‍ ഏരിയയിലെ നെഗ്‌ലാവ് ഗ്രാമത്തിലാണ് സംഭവം. ഇവിടെ ഒരോ വീട്ടിലുമെത്തിയാണ് വാക്‌സിന്‍ നല്‍കുന്നത്. കമലാദേവി എന്ന സ്ത്രീയാണ് ആരോഗ്യപ്രവര്‍ത്തകരെ ഭീഷണിപ്പെടുത്തിയത്. കല്‍ബെലിയ സമുദായംഗമായ കമലാദേവി പാമ്പിനെ വളര്‍ത്തുന്നവരാണ്. വിഡിയോയില്‍ താന്‍ വാക്‌സിന്‍ സ്വീകരിക്കില്ലെന്ന് ഇവര്‍ തറപ്പിച്ചു പറയുന്നുണ്ട്. ആരോഗ്യപ്രവര്‍ത്തകര്‍ വാക്‌സിന്റെ പ്രാധാന്യം വിശദീകരിച്ചപ്പോഴായിരുന്നു പാമ്പിനെ വലിച്ചെറിയുമെന്ന ഭീഷണി.