എബിവിപി പ്രവര്‍ത്തകന്‍ അറസ്റ്റില്‍

പത്തനംതിട്ട: ഗവര്‍ണര്‍ ആരിഫ് മുഹമ്മദ് ഖാന്‍ കേരള സര്‍വകലാശാല സെനറ്റിലേക്ക് നോമിനേറ്റ് ചെയ്ത എബിവിപി നേതാവ് അറസ്റ്റില്‍. പന്തളം കോളേജിലെ എബിവിപി നേതാവ് സുധി സദനാണ് അറസ്റ്റിലായത്. പന്തളം കോളേജിലെ സംഘര്‍ഷത്തിലാണ് അറസ്റ്റ്.

ഈ മാസം 21ന് കോളജില്‍ നടന്ന ക്രിസ്മസ് ആഘോഷങ്ങള്‍ക്കിടെയായിരുന്നു സംഘര്‍ഷം. എസ്എഫ്‌ഐ- എബിവിപി പ്രവര്‍ത്തകര്‍ തമ്മിലാണ് സംഘര്‍ഷമുണ്ടായത്. സംഘര്‍ഷത്തില്‍ അംഗപരിമിതനടക്കം ഏഴോളം എസ്എഫ്‌ഐ പ്രവര്‍ത്തകര്‍ക്ക് പരിക്കേറ്റിരുന്നു. കേസില്‍ ഒരു എസ്എഫ്‌ഐ നേതാവിന്റെ തലയില്‍ എട്ട് സ്റ്റിച്ചിട്ടിട്ടുണ്ട്.

തുടര്‍ന്ന് ഐപിസി 308 വകുപ്പ് പ്രകാരം കണ്ടാലറിയാവുന്ന 13 എബിവിപി പ്രവര്‍ത്തകര്‍ക്കെതിരെ പന്തളം പൊലീസ് കേസെടുത്തു.