തിരുവനന്തപുരം:അധിക്ഷേപകരമായ പരാമര്‍ശം നടത്തിയ കെ മുരളീധരന് എതിരെ മേയര്‍ ആര്യ രാജേന്ദ്രന്‍ മ്യൂസിയം പൊലിസില്‍ പരാതി നല്‍കി. മേയറെ കാണാന്‍ നല്ല ഭംഗിയൊക്കെയുണ്ടെങ്കിലും വായില്‍ നിന്നും വരുന്നത് കൊടുങ്ങല്ലൂര്‍ ഭരണിപ്പാട്ടാണെന്നായിരുന്നു കെ മുരളീധരന്റെ പരാമര്‍ശം. എം.പിക്കെതിരെ കേസെടുക്കുന്നതില്‍ നിയമോപദേശം തേടുമെന്ന് പൊലിസ് അറിയിച്ചു.

കോര്‍പറേഷനിലെ നികുതി വെട്ടിപ്പിനെതിരെ കോണ്‍ഗ്രസ് നടത്തിയ സമരത്തില്‍ പ്രസംഗിക്കവെയാണ് മേയര്‍ ആര്യ രാജേന്ദ്രനെ കെ. മുരളീധരന്‍ വ്യക്തിപരമായി അധിക്ഷേപിച്ചത്.ഇതൊക്കെ ഒറ്റമഴയത്ത് തളിര്‍ത്തതാണ്. മഴയുടേത് കഴിയുമ്പോഴേക്കും സംഭവം തീരും. ഇങ്ങനെയുള്ള ഒരുപാട് പേരെ കണ്ടിട്ടുള്ള നഗരസഭയാണിതെന്നും മുരളീധരന്‍ ആക്ഷേപിച്ചിരുന്നു.