തീക്കോയി: തുറസായ സ്ഥലങ്ങളില്‍ മലമൂത്ര വിസര്‍ജന രഹിത പഞ്ചായത്താക്കി മാറ്റുന്നതിന്റെ ഭാഗമായി നിര്‍മാണം പൂര്‍ത്തിയാക്കിയ ശുചിമുറികള്‍ക്കുള്ള തുകയുടെ ആദ്യഗഡു വിതരണോദ്ഘാടനം ഗ്രാമപഞ്ചായത്ത് പ്രസിഡന്റ് കെ.സി ജെയിംസ് നിര്‍വഹിച്ചു.
വൈസ്പ്രസിഡന്റ ലീലാമ്മ ജോര്‍ജുകുട്ടി അധ്യക്ഷനായിരുന്നു.
പഞ്ചായത്തിലെ ശുചിമുറി ഇല്ലാത്ത കുടുംബങ്ങളെ കണ്ടെത്തി നിര്‍മാണം പൂര്‍ത്തിയാക്കുന്നവര്‍ക്ക് 15400 രൂപ വീതം ജലനിധി ഗുണഭോക്തൃ സമിതികളുടെ പഞ്ചായത്ത് തലത്തിലുള്ള ഫെഡറേഷന്‍ വഴിയാണ് സഹായം അനുവദിക്കുന്നത്. വിജയമ്മ ഗോപി, ഷൈനി ബേബി, പയസ് കവളംമാക്കല്‍, കെ.കെ പരിക്കൊച്ച്, ഗീത എസ്. നായര്‍, ഷേര്‍ജി പുറപ്പാന്താനം എന്നിവര്‍ സംസാരിച്ചു.