ബെയ്ജിങ്
ചൈനീസ് കമ്യൂണിസ്റ്റ് പാർട്ടിയുടെ നാലുദിവസം നീണ്ടുനിൽക്കുന്ന ആറാം പ്ലീനത്തിനു തുടക്കമായി.
ഷി ജിൻപിങ് മൂന്നാം തവണയും പ്രസിഡൻ്റായി തെരഞ്ഞെടുക്കപ്പെടുമെന്നാണ് റിപ്പോർട്ട്.
ചൈനീസ് കമ്യൂണിസ്റ്റ് പാർട്ടി ജനറൽ സെക്രട്ടറി കൂടിയായ 68കാരനായ ഷി സൈന്യത്തിൻ്റെ സമുന്നത കമാൻഡായ സെൻട്രൽ മിലിട്ടറി കമ്മിഷൻ ചെയർമാൻ കൂടിയാണ്.
ഒമ്പതു വർഷമായി ഷി പ്രസിഡൻ്റ് പദവിയിൽ തുടരുകയാണ്. 2018ലാണ് ഒരാൾക്ക് രണ്ടു ടേമിലധികം പ്രസിഡൻ്റ് പദവിയിൽ തുടരാനാകില്ലെന്ന വ്യവസ്ഥ ഭരണഘടനാ ഭേദഗതിയിലൂടെ നീക്കിയത്.
ഇത് ഷിയെ ആജീവനാന്ത പ്രസിഡൻ്റാക്കാനാണെന്ന് ആരോപണമുണ്ട്.