കോട്ടയം: ബ്രഹ്മമംഗലത്ത് ആസിഡ് കുടിച്ച് ആത്മഹത്യക്ക് ശ്രമിച്ച നാലംഗ കുടുംബത്തിലെ രണ്ട് പേര്‍ മരിച്ചു.കാലായില്‍ സുകുമാരനും കുടുംബവുമാണ് ആത്മഹത്യാശ്രമം നടത്തിയത്. സുകുമാരന്റെ ഭാര്യ സീന (54) ഇന്നലെ മരിച്ചു. മകള്‍ സൂര്യ(27) ഇന്ന് രാവിലെയും മരണപ്പെട്ടു. സുകുമാരനും ഇളയ മകള്‍ സുവര്‍ണയും മെഡിക്കല്‍കോളജില്‍ ചികിത്സയിലാണ്.

ഇന്നലെ രാത്രി 10.30ന് അയല്‍വാസികളാണ് ഇവരെ അവശ നിലയില്‍ കണ്ടെത്തിയത്. മൂത്തമകളുടെ വിവാഹം സമീപകാലത്ത് മുടങ്ങിയ വിഷമം കുടുംബത്തെ അലട്ടിയിരുന്നു എന്നാണ് പൊലിസ് നല്‍കുന്ന വിവരം. ഇതിനൊപ്പം സാമ്പത്തിക പ്രശ്‌നങ്ങളും കുടുംബത്തെ അലട്ടിയിരുന്നുവെന്ന് ബന്ധുക്കള്‍ പറയുന്നു. ഇതാകാം ആത്മഹത്യയിലേക്ക് നയിച്ചതെന്നാണ് പ്രാഥമിക നിഗമനം