പാലക്കാട്: പാലക്കാട് ആര്‍.എസ്.എസ് പ്രവര്‍ത്തകന്‍ സഞ്ജിത്ത് കൊല്ലപ്പെട്ട സംഭവത്തില്‍ പ്രതികള്‍ക്കായി അന്വേഷണം ഊര്‍ജിതമാക്കി പൊലിസ്. ഇന്നലെ രാത്രി പാലക്കാട് എസ്പിയുടെ നേതൃത്വത്തില്‍ അന്വേഷണ ഉദ്യോഗസ്ഥരുടെ യോഗം ചേര്‍ന്നു. എട്ടു സംഘങ്ങള്‍ ആയി തിരിഞ്ഞാണ് അന്വേഷണം.

ഭാര്യയോടൊപ്പം ബൈക്കില്‍ വരികയായിരുന്ന സഞ്ജിത്തിനെ കാറിലെത്തിയ സംഘം വെട്ടുകയായിരുന്നു. എസ്.ഡി.പി.ഐ ആണ് കൊലപാതകത്തിന് പിന്നിലെന്ന് ആര്‍എസ്എസ് ആരോപിക്കുന്നു. ഇലപ്പുള്ളി മേഖലയില്‍ എസ്ഡിപിഐ ആര്‍എസ്എസ് സംഘര്‍ഷം കുറച്ചു കാലങ്ങളായി നിലനില്‍ക്കുന്നുണ്ട്. നേരത്തെ എസ്ഡിപിഐ പ്രവര്‍ത്തകന് വെട്ടേറ്റിരുന്നു. സഞ്ജിത്ത് വിവിധ കേസുകളില്‍ പ്രതിയാണ്.