പാലക്കാട്: അട്ടപ്പാടി ചുരത്തില്‍ കനത്ത മഴ തുടരുന്നു. നിരവധി നാശനഷ്ടങ്ങളാണ് റിപ്പോര്‍ട്ട് ചെയ്തത്. കനത്തമഴയെ തുടര്‍ന്ന് പിക്കപ് വാന്‍ ഒഴുകിപ്പോയി. ചുരത്തോട് ചേര്‍ന്നുള്ള നെല്ലിപ്പുഴയിലാണ് വാഹനം ഒഴുകിപ്പോയത്. വാഹനത്തിലുണ്ടായിരുന്ന പുത്തന്‍വീട്ടില്‍ സോമനും മകനും രക്ഷപ്പെട്ടു. കനത്ത ഒഴുക്കുള്ളതിനാല്‍ വാഹനം കരക്കെത്തിക്കാന്‍ കഴിഞ്ഞിട്ടില്ല.

ദിവസങ്ങളായി അട്ടപ്പാടി ചുരത്തില്‍ കനത്ത മഴയാണ്. മഴയുടെ പശ്ചാത്തലത്തില്‍ ചുരത്തില്‍ കൂടിയുള്ള ഗതാഗതം ദുസ്സഹമാകുന്നുണ്ട്. പലയിടത്തും പാലങ്ങളും ചപ്പാത്തുകളും കരകവിഞ്ഞൊഴുകുന്നുണ്ട്.