പൊന്നാനി: പാഠപുസ്തകവിതരണം ഓണത്തിനു മുമ്പ് പൂര്‍ത്തീകരിച്ചില്ലെങ്കില്‍ പ്രക്ഷോഭമാരംഭിക്കുമെന്ന് എ ഐ എസ് എഫ്. ജില്ലാസമ്മേളനത്തില്‍ അവതരിപ്പിച്ച പ്രമേയത്തിലാണ് ഇടതു വിദ്യാര്‍ഥി സംഘടനയുടെ മുന്നറിയിപ്പ്. പ്രതിനിധി സമ്മേളനം ആര്‍ടിസ്റ്റ് നമ്പൂതിരി ഉദ്ഘാടനം ചെയ്തു.
സംഘാടക സമിതി ചെയര്‍മാന്‍ അജിത് കൊളാടി അധ്യക്ഷനായി. പി ജംഷീര്‍ പ്രവര്‍ത്തനറിപ്പോര്‍ട്ടും സി പി. അഭിലാഷ് ഭാവിപ്രവര്‍ത്തന റിപ്പോര്‍ട്ടും അവതരിപ്പിച്ചു. എ ഐ എസ് എഫ് സംസ്ഥാനസെക്രട്ടറി സുഭേഷ് സുധാകരന്‍, പ്രസിഡന്റ് വി. വിനില്‍, മുഹമ്മദ് മുഹ്‌സിന്‍ എംഎല്‍എ, സിപിഐ നേതാക്കളായ പി.കെ കൃഷ്ണദാസ്, അഡ്വ.പി പി ബാലകൃഷ്ണന്‍ തുടങ്ങിയവര്‍ പ്രസംഗിച്ചു.
മോഹിതമോഹന്‍, സി പി അഭിലാഷ്, ദിപിന്‍ദാസ് എന്നിവര്‍ പ്രസീഡിയവും അനീഷ്‌വലിയകുന്ന്, നിര്‍മല്‍മൂര്‍ത്തി എന്നിവര്‍ സമ്മേളനവും നിയന്ത്രിച്ചു.