പാലക്കാട്: ആര്‍.എസ്.എസ് പ്രവര്‍ത്തകന്‍ സഞ്ജിത്തിനെ കൊലപ്പെടുത്തിയ കേസില്‍ ഒരാള്‍കൂടി പിടിയില്‍. കൊലപാതകത്തില്‍ നേരിട്ട് പങ്കെടുത്തയാളാണ് പിടിയിലായതെന്ന് പൊലിസ് പറയുന്നു. അന്വേഷണഘട്ടത്തിലായതിനാല്‍ പ്രതിയുടെ പേര് വിവരങ്ങള്‍ പുറത്ത് വിടാനാകില്ലെന്നും പൊലിസ് വ്യക്തമാക്കി. ഇതോടെ കേസില്‍ രണ്ടുപേര്‍ അറസ്റ്റിലായി. കൃത്യം നടക്കുമ്പോള്‍ വാഹനം ഓടിച്ചിരുന്ന വ്യക്തിയാണ് നേരത്തെ പിടിയിലായത്. ഇയാള്‍ റിമാന്‍ഡിലാണ്.
കേസില്‍ ആദ്യം അറസ്റ്റിലായ പ്രതിയെ കസ്റ്റഡിയില്‍ വാങ്ങാനായി പൊലിസ് സമര്‍പ്പിച്ച അപേക്ഷ കോടതി നാളെയാണ് പരിഗണിക്കുന്നത്.