ഉത്തര്‍ പ്രദേശ്‌: ഉത്തര്‍ പ്രദേശില്‍ വിമത കോണ്‍ഗ്രസ് എം.എല്‍.എ ബി.ജെ.പിയില്‍ ചേര്‍ന്നു. റായ്ബറേലിയില്‍ നിന്നുള്ള നിയമസഭാംഗം അദിതി സിംഗാണ് ഇന്ന് ബി.ജെ.പിയില്‍ ചേര്‍ന്നത്. ഉത്തര്‍ പ്രദേശില്‍ അടുത്ത വര്‍ഷം നിയമസഭാ തെരഞ്ഞെടുപ്പ് നടക്കാനിരിക്കെയാണ് അദിതി കോണ്‍ഗ്രസ് വിട്ട് ബി.ജെ.പിയില്‍ ചേര്‍ന്നത്.

കാര്‍ഷിക നിയമങ്ങളെ എതിര്‍ത്ത കോണ്‍ഗ്രസ് അഖിലേന്ത്യാ ജനറല്‍ സെക്രട്ടറി പ്രിയങ്ക ഗാന്ധിയെ വിമര്‍ശിച്ച് അവര്‍ രംഗത്തെത്തിയിരുന്നു. ഈ വര്‍ഷം മെയ്യില്‍ അദിതി സിംഗിനെ കോണ്‍ഗ്രസിന്റെ വനിതാ സംഘടനയില്‍ നിന്നും പുറത്താക്കിയിരുന്നു.