മലപ്പുറം: ജില്ലയില്‍ നിലവിലുള്ള സമാധാന അന്തരീക്ഷം തകര്‍ക്കുന്ന രീതിയില്‍ തീരദേശ  മേഖലകളില്‍ അനുദിനം വര്‍ധിച്ചുകൊണ്ടിരിക്കുന്ന ആക്രമണവും അഴിഞ്ഞാട്ടങ്ങളും അവസാനിപ്പിക്കാന്‍ രാഷ്ട്രീയ തീരുമാനങ്ങള്‍ അടിയന്തിരമായി കൈക്കൊള്ളണമെന്ന് അഴിമതിക്കും അനീതിക്കും നീതിനിഷേധത്തിനുമെതിരെ പോരാടുന്ന ജനകീയ പ്രസ്ഥാനമായ പീപ്പിള്‍സ് മൂവ്‌മെന്റ് എഗൈന്‍സ്റ്റ് കറപ്ഷന്‍ ജില്ലാ കൗണ്‍സില്‍ യോഗം ആവശ്യപ്പെട്ടു. പിഎംഎസി ജില്ലാ കൗണ്‍സില്‍ ചെയര്‍മാന്‍ കുരുണിയന്‍ നജീബ് അധ്യക്ഷനായി. ജനറല്‍ കണ്‍വീനര്‍ അഡ്വ: കെ.ശംസുദ്ദീന്‍, കുഞ്ഞാലന്‍ വെന്നിയൂര്‍, എം.വി സലാം പറവണ്ണ, പി.പി ജബ്ബാര്‍, കെ.എം കുട്ടി പുത്തൂര്‍, ഡോ: ശശി തിരൂര്‍, എം.കെ ഹംസ ഹാജി, പി.ഷാഹുല്‍ ഹമീദ് പ്രസംഗിച്ചു.