അൽഖോബാർ: പ്രവാസികളെ ചേർത്തു പിടിച്ച് കെ എം സി സി നടത്തുന്ന പ്രവർത്തനങ്ങൾ ശ്ലാഘനീയമെന്ന് പ്രതിപക്ഷ നേതാവ് വി ഡി സതീശൻ. കെഎംസിസി അൽഖോബാർ സെൻട്രൽ കമ്മിറ്റിക്ക് കീഴിൽ സഊദി കെഎംസിസി സാമൂഹ്യ സുരക്ഷാ പദ്ധതി 2021 വർഷ അംഗമായിരിക്കെ കഴിഞ്ഞ ആഗസ്റ്റിൽ മരണപ്പെട്ട നോർത്ത് പറവൂര്‍ കോട്ടുവള്ളി കൈതാരം കടപ്പിള്ളിപറമ്പില്‍ (തൊമ്മന്‍കണ്ടത്തില്‍) അഷ്റഫിൻ്റെ കുടുംബത്തിന് സഊദി കെ എം സി സി സാമൂഹ്യ സുരക്ഷ പദ്ധതിയില്‍ സഹായധനം കൈമാറി സംസാരിക്കുകയായിരുന്നു അദ്ദേഹം. ജാതി മതഭേതമന്യേ പ്രവാസത്തിൽ വെച്ച് കുടുംബ നാഥനെ നഷ്ടപ്പെടുന്ന കുടുംബങ്ങൾക്ക് സമാശ്വാസം നൽകുന്ന സമൂഹ്യ സുരക്ഷാ പദ്ധതി കെഎംസിസി കാരുണ്യ വഴിയിലെ വേറിട്ട മാതൃകയാണെന്നും ഡിസംബർ 15 വരെ നടക്കുന്ന 2022 വർഷത്തെ കാംപയിൻ്റെ ഭാഗമായി പ്രവാസികളുടെ പരസ്പര സഹായ ചേർത്ത് വയ്പിൽ എല്ലാ പ്രവാസികളും പങ്ക് ചേരണമെന്നും അദ്ദേഹം അഭ്യർത്ഥിച്ചു.

ഗ്ലോബൽ കെ എം സി സി എറണാകുളം ജില്ല പ്രസിഡന്റ് നാസർ എടവനക്കാട്, കെ.എം.സി സി നേതാക്കളായ മുസ്തഫ കമാൽ, അബ്ദുൽ ജലീൽ ആലുവ (റിയാദ് കെ എം സി സി), പി എ റിയാദ് (ഷാർജ കെ എം സി സി), അജാസ് ഇസ്മായിൽ കൊടികുത്തിമല,
കുവൈറ്റ് കെഎംസിസി എറണാകുളം ജില്ലാ കെ എം സി സി ജനറൽ സെക്രട്ടറി കെ എസ് ത്വൽഹത് ചെങ്ങമനാട് പറവൂർ മണ്ഡലം മുസ്‌ലിം ലീഗ് പ്രസിഡൻ്റ് ടി കെ ഇസ്മയിൽ, ജനറൽ സെക്രട്ടറി കെ എ അബ്ദുൽ കരീം, ട്രഷറർ ടി എ സിടീഖ്, എറണാകുളം ജില്ല പ്രവാസി ലീഗ് വൈസ് പ്രസിഡന്റ് അൻവർ കൈതാരം, പറവൂർ നഗരസഭ കൗൺസിലർ ടി എം അബ്ദുൽ സലാം, മുസ്‌ലിം ലീഗ് കോട്ടുവള്ളി പഞ്ചായത് പ്രസിഡന്റ് പി എ ബഷീർ, വി ബി അഷറഫ്, കെ ആർ റെജി തുടങ്ങിയവർ സംബന്ധിച്ചു.