ജറുസലേം: ഇസ്രായേല്‍ പ്രധാനമന്ത്രി നഫ്താലി ബെന്നെറ്റ് ഇന്ന് യു.എ.ഇ സന്ദര്‍ശിക്കുന്നു. ഒരു ഇസ്രായേലി പ്രധാനമന്ത്രി യുണൈറ്റഡ് അറബ് എമിറേറ്റ്‌സില്‍ നടത്തുന്ന ആദ്യത്തെ ഔദ്യോഗിക സന്ദര്‍ശനമാണ് ഞാനിപ്പോള്‍ നടത്തുന്നത്.

ഇസ്രായേലും എമിറേറ്റുകളും തമ്മിലുള്ള പങ്കാളിത്തത്തില്‍ അന്തര്‍ലീനമായ സാധ്യതകള്‍ വളരെ വലുതാണ്. ഒരുമിച്ച്, സുസ്ഥിരവും സമൃദ്ധവും ശക്തവുമായ ഒരു മിഡില്‍ ഈസ്റ്റ് സൃഷ്ടിക്കാനുള്ള യഥാര്‍ത്ഥ അവസരമുണ്ട്. ഈ ഒരു കൂടിക്കാഴ്ച ഒരു തുടക്കം മാത്രമാണെന്നും അദ്ദേഹം പറഞ്ഞു.

രണ്ടു ദിവസമാണ് ബെന്നറ്റ് യു.എ.ഇയില്‍ ചിലവഴിക്കുക. തിങ്കളാഴ്ച, അദ്ദേഹം ഷെയ്ഖ് മുഹമ്മദ് ബിന്‍ സായിദ് അല്‍നഹ്യാനുമായി കൂടിക്കാഴ്ച നടത്തും. ഇരുവരും നയതന്ത്രസൈനിക വിഷയങ്ങള്‍ ചര്‍ച്ച ചെയ്യും.