വാഷിങ്ടണ്‍: ഉയിഗുര്‍ മുസ്‌ലിംകള്‍ കടുത്ത പീഡനം നേരിടുന്ന ചൈനയിലെ ഷിന്‍ജിയാങ് പ്രവിശ്യയില്‍ നിന്നുള്ള ഉല്‍പന്നങ്ങള്‍ വിലക്കി യു.എസ് പ്രസിഡന്റ് ജോ ബൈഡന്‍. ഇതിനുള്ള നിയമത്തില്‍ ബൈഡന്‍ ഒപ്പുവെച്ചു. യുഎസ് ചൈന ബന്ധം വഷളാവുന്നതിനിടെയാണ് പുതിയ നീക്കവുമായി ബൈഡന്‍ രംഗത്തെത്തിയിരിക്കുന്നത്. ഇതിനുള്ള നിയമത്തില്‍ പ്രസിഡന്റ് ജോ ബൈഡന്‍ ഒപ്പുവെച്ചു. എതിര്‍പ്പുകളില്ലാതെ ബില്‍ പാസാക്കിയത്.

ഷിന്‍ജിയാങ് പ്രവിശ്യയില്‍ നിന്നുള്ള കമ്പനികള്‍ നിര്‍ബന്ധിത തൊഴിലെടുപ്പിച്ചല്ല ഉല്‍പന്നങ്ങള്‍ നിര്‍മ്മിച്ചതെന്ന് തെളിയിക്കണം. എങ്കില്‍ മാത്രമേ ഇനി മുതല്‍ യു.എസില്‍ ഇത്തരം ഉല്‍പന്നങ്ങള്‍ വില്‍ക്കാനാവു. കഴിഞ്ഞയാഴ്ചയും നിരവധി ചൈനീസ് കമ്പനികള്‍ക്ക് യു.എസ് വിലക്കേര്‍പ്പെടുത്തിയിരുന്നു.

ചൈനയിലെ ഷിന്‍ജിയാങ് പ്രവിശ്യയില്‍ ലക്ഷക്കണക്കിനാളുകള്‍ തടവിലാണെന്ന് നേരത്തെ യു.എന്‍ വ്യക്തമാക്കിയിരുന്നു.
ഇതില്‍ കൂടുതലും ഉയിഗുര്‍ മുസ്‌ലിംകളായിരുന്നു. ഇവരെ കൊണ്ട് നിര്‍ബന്ധിതമായി തൊഴിലെടുപ്പിച്ച സംഭവങ്ങളും റിപ്പോര്‍ട്ട് ചെയ്തിരുന്നു. എന്നാല്‍, ആരോപണങ്ങളെല്ലാം നിഷേധിക്കുകയാണ് ചൈന ചെയ്തത്.യുഎസ് നടപടിയോട് വാഷിങ്ടണിലെ ചൈനീസ് എംബസി ഇതുവരെ പ്രതികരിച്ചിട്ടുമില്ല.