കാസര്‍കോട്: അമ്പലത്തുകരയില്‍ പ്ലസ് ടു വിദ്യാര്‍ഥിക്ക് നേരെ സഹപാഠികളുടെ മര്‍ദനം. ഹോളി ആഘോഷത്തില്‍ പങ്കെടുക്കാത്തതിനെ തുടര്‍ന്നാണ് മര്‍ദനമുണ്ടായതെന്നാണ് പരാതി. 

മടിക്കൈ സ്‌കൂളിലെ വിദ്യാര്‍ഥി ചെമ്മട്ടം വയല്‍ സ്വദേശി കെ.പി നിവേദി(17)നാണ് മര്‍ദനമേറ്റത്. സംഭവത്തില്‍ നാലു പേര്‍ക്കെതിരെ ഹൊസ് ദുര്‍ഗ് പൊലിസ് കേസെടുത്തു. താടിയെല്ലിന് പൊട്ടലേറ്റ നിവേദിനെ പരിയാരം മെഡക്കല്‍ കോളജില്‍ പ്രവേശിപ്പിച്ചു. ഇവിടെ ചികിത്സയിലാണ് നിവേദ്.