ജെസ്‌ന തിരോധാനക്കേസില്‍ കേസ് ഡയറി ഹാജരാക്കണമെന്ന് അന്വേഷണ ഉദ്യോഗസ്ഥനോട് ആവശ്യപ്പെട്ട് കോടതി.തിരുവനന്തപുരം സി.ജെ.എം കോടതിയുടേതാണ് ഉത്തരവ്. നാളെ കേസ് വീണ്ടും പരിഗണിക്കുമ്പോള്‍ കേസ് ഡയറി സമര്‍പ്പിക്കണമെന്നാണ് കോടതിയുടെ നിര്‍ദേശം.ഇതിനിടെ ജെസ്‌നയുടെ പിതാവ് ജെയിംസ് കോടതിയില്‍ തെളിവുകള്‍ സമര്‍പ്പിച്ചു. മുദ്രവെച്ച കവറിലാണ് ഇവ സമര്‍പ്പിച്ചത്. കേസില്‍ തുടരന്വേഷണത്തിന് തയ്യാറാണെന്ന് കഴിഞ്ഞദിവസം കോടതിയെ സി.ബി.ഐ അറിയിച്ചിരുന്നു. ജെസ്‌ന മരിച്ചെന്നോ ജീവിച്ചിരിക്കുന്നെന്നോ സ്ഥിരീകരിക്കുന്ന തെളിവുകള്‍ ഒന്നും തന്നെ ലഭിച്ചിട്ടില്ലെന്നും അതിനാല്‍ കേസന്വേഷണം അവസാനിപ്പിക്കണമെന്നും കാണിച്ച് നേരത്തെ സി.ബി.ഐ കോടതിയില്‍ ക്ലോഷര്‍ റിപ്പോര്‍ട്ട് സമര്‍പ്പിച്ചിരുന്നു.