എരുമേലി: വ്യാപാരി വ്യവസായി ഏകോപന സമിതി എരുമേലി യൂണിറ്റിന്റേയും, മര്‍ച്ചന്റ്‌സ് കോ-ഓപ്പറേറ്റീവ് സൊസൈറ്റിയുടേയും സംയുക്ത വാര്‍ഷികം ചൊവ്വാഴ്ച ഉച്ചകഴിഞ്ഞ് 2ന് എരുമേലി ശബരി ആഡിറ്റോറിയത്തില്‍ നടക്കും. മുതിര്‍ന്ന വ്യാപാരികളെ സമ്മേളനത്തില്‍ ആദരിക്കും.
വിദ്യാഭ്യാസ അവാര്‍ഡ് വിതരണം, മരണാനന്തര സഹായ വിതരണം, സംഘടനയുടെ നേതൃത്വത്തില്‍ രൂപീകരിക്കുന്ന പുതിയ ചാരിറ്റി പ്രസ്ഥാനത്തിന്റെ ഉദ്ഘാടനം എന്നിവയും പ്രസ്തുത യോഗത്തില്‍ നടക്കും.
വാര്‍ഷികം പ്രമാണിച്ച് ഉച്ചക്ക് ഒന്ന് മുതല്‍ അഞ്ച് വരെ വ്യാപാര സ്ഥാപനങ്ങള്‍ അവധിയായിരിക്കും.