പേരൂര്‍ക്കട: വീടുകളില്‍നിന്ന് പാചകവാതക സിലിണ്ടറുകള്‍ മോഷ്ടിക്കുന്നയാള്‍ അറസ്റ്റില്‍.
മെഡിക്കല്‍കോളജ് തൈക്കൂട്ടം മുടുമ്പില്‍ വീട്ടില്‍ ചപ്പാത്തി സതീഷ് എന്നുവിളിക്കുന്ന സതീഷ് (45) ആണ് അറസ്റ്റിലായത്. വിവിധ വീടുകളില്‍ നിന്ന് പത്തിലധികം സിലിണ്ടറുകളാണ് ഇയാള്‍ മോഷ്ടിച്ചത്. സിലിണ്ടറുകള്‍ 1500 രൂപയ്ക്ക് മറിച്ചുവില്‍ക്കുകയാണ് പതിവ്. കണ്‍ട്രോള്‍ റൂം എ.സി വി. സുരേഷ്‌കുമാര്‍, പേട്ട സി.ഐ സുരേഷ് വി. നായര്‍, വഞ്ചിയൂര്‍ എസ്.ഐ സാഗര്‍, സിറ്റി ഷാഡോ ടീം അംഗങ്ങള്‍ എന്നിവര്‍ ചേര്‍ന്നാണ് പ്രതിയെ പിടികൂടിയത്. ഇയാളെ റിമാന്‍ഡ് ചെയ്തു.