കൊല്ലം: ഭാര്യയെയും മകളെയും കഴുത്തറുത്ത് കൊലപ്പെടുത്തിയ ശേഷം ഗൃഹനാഥന്‍ ആത്മഹത്യയ്ക്ക് ശ്രമിച്ചു. പരവൂര്‍ പൂതക്കുളത്ത് ഇന്ന് രാവിലെയാണ് സംഭവം. പ്രീത(39), ശ്രീനന്ദ(14) എന്നിവരാണ് മരിച്ചത്.

കൃത്യം നടത്തിയ ഗൃഹനാഥന്‍ ശ്രീജു ഗുരുതരാവസ്ഥയില്‍ ചികിത്സയിലാണ്. ഗുരുതരമായി പരിക്കേറ്റ മകന്‍ ശ്രീരാഗിനെ(17) കൊട്ടിയത്തെ ആശുപത്രിയില്‍ പ്രവേശിപ്പിച്ചു.

രാവിലെ വീട് തുറക്കാത്തതിനെ തുടര്‍ന്ന് അടുത്ത വീട്ടില്‍ താമസിക്കുന്ന സഹോദരന്‍ എത്തി പരിശോധിച്ചപ്പോഴാണ് സംഭവം പുറത്തറിയുന്നത്. കടബാധ്യതയാണു കൃത്യത്തിനു പിന്നിലെന്നാണു പ്രാഥമിക നിഗമനം.