ദുബൈ: സുപ്രഭാതം ഗള്‍ഫ് എഡിഷന്‍ ഉദ്ഘാടനചടങ്ങില്‍ പങ്കെടുക്കാനായി മുതിര്‍ന്ന കോണ്‍ഗ്രസ് നേതാവ് കെ.മുരളീധരന്‍ എം.പി ദുബൈയിലെത്തി. ദുബൈ എയര്‍പോര്‍ട്ടില്‍ എത്തിയ മുരളീധരനെ ഇന്‍കാസ് നേതാക്കളായ പുന്നക്കന്‍ മുഹമ്മദാലി, ടൈറ്റസ് പുല്ലൂരാന്‍, ജിജോ ജേക്കബ്, പവിത്രന്‍, അനുര മത്തായി, സുന്നി സെന്റര്‍ നേതാക്കളായ സയ്യിദ് ശുഐബ് തങ്ങള്‍, ജലീല്‍ ഹാജി ഒറ്റപ്പാലം, അബ്ദുറസാഖ് വളാഞ്ചേരി, അഷ്‌റഫ് ദേശമംഗലം, അന്‍വര്‍ ബ്രഹ്മക്കുളം, മുഹ്‌സിന്‍ നാട്ടിക എന്നിവര്‍ ചേര്‍ന്ന് സ്വീകരിച്ചു.

മെയ് 18 ശനിയാഴ്ച്ച രാത്രി 8:30 ന് ദുബൈ വിമന്‍സ് അസോസിയേഷന്‍ ഹാളില്‍ വച്ചാണ് ഗള്‍ഫ് സുപ്രഭാതം എഡിഷന്റെ ഉദ്ഘാടനം നടക്കുന്നത്.