തൃശൂര്‍: കേച്ചേരിയില്‍ കെഎസ്ആര്‍ടിസി ബസിന് പിറകില്‍ സ്വകാര്യ ബസിടിച്ച് 15 പേര്‍ക്ക് പരുക്ക്. ഇന്ന് രാവിലെ 9 മണിയോടെയാണ് സംഭവം. തൃശൂര്‍ ഭാഗത്തുനിന്നു കുന്നംകുളം ഭാഗത്തേക്ക് വരുകയായിരുന്ന കെഎസ്ആര്‍ടിസി ബസും സ്വകാര്യ ബസും അപകടത്തില്‍ പെടുകയായിരുന്നു. അപകടത്തില്‍ ഇരു ബസ്സുകള്‍ക്കും കേടുപാടുകള്‍ സംഭവിച്ചു. 

പരുക്കേറ്റവരെ കേച്ചേരി ആക്ട്‌സ് ആംബുലന്‍സ് പ്രവര്‍ത്തകര്‍ കുന്നംകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. അപകടത്തെ തുടര്‍ന്ന ഗതാഗതം പൂര്‍ണമായും തടസ്സപ്പെട്ടു. കുന്നംകുളം സബ് ഇന്‍സ്‌പെക്ടര്‍ ജ്യോതിസിന്റെ നേതൃത്വത്തിലുള്ള പൊലീസ് സംഘം സ്ഥലത്തെത്തി വാഹനങ്ങള്‍ റോഡില്‍ നിന്ന് മാറ്റുന്നതിനുള്ള നടപടി ആരംഭിച്ചു.