വരവില്‍ കവിഞ്ഞ സ്വത്ത് സമ്പാദിച്ചെന്ന കേസില്‍ സിഡ്‌കോ മുന്‍ സെയില്‍സ് മാനേജറും ടോട്ടല്‍ ഫോര്‍ യു തട്ടിപ്പ് കേസിലെ പ്രതിയുമായ ചന്ദ്രമതിയമ്മക്ക് മൂന്നു വര്‍ഷം തടവും 29 ലക്ഷം രൂപ പിഴയും. തിരുവനന്തപുരം വിജിലന്‍സ് കോടതിയാണ് ശിക്ഷ വിധിച്ചത്.2005 ജനുവരി ഒന്ന് മുതല്‍ 2008 നവംബര്‍ 21 വരെയുള്ള സിഡ്‌കോ സെയില്‍സ് മാനേജരായിരിക്കെ വരവില്‍ കവിഞ്ഞ സ്വത്ത് സമ്പാദിച്ചെന്നാണ് കേസ്. 

തിരുവനന്തപുരം വിജിലന്‍സ് സ്‌പെഷ്യല്‍ സെല്‍ ആണ് കേസ് അന്വേഷിച്ചത്. തിരുവനന്തപുരം വിജിലന്‍സ് സ്‌പെഷ്യല്‍ സെല്‍ മുന്‍ സൂപ്രണ്ട് സി.പി. ഗോപകുമാര്‍ രജിസ്റ്റര്‍ ചെയ്ത കേസില്‍ മുന്‍ ഇന്‍സ്‌പെക്ടര്‍മാരായിരുന്ന റെജി ജേക്കബ്, അജിത് കുമാര്‍, അശോകന്‍, എസ്.എസ്. സുരേഷ് കുമാര്‍ എന്നിവരാണ് അന്വേഷണം നടത്തിയത്. മുന്‍ സൂപ്രണ്ട് വി.എന്‍. ശശിധരന്‍ കുറ്റപത്രം സമര്‍പ്പിച്ചു. വിജിലന്‍സ് പബ്ലിക് പ്രോസിക്യൂട്ടറായ എ.ആര്‍. രഞ്ജിത്കുമാറാണ് പ്രോസിക്യൂഷന് വേണ്ടി ഹാജരായത്.