മാവൂര്‍: കുറ്റിക്കാട്ടൂര്‍ ഗവ: ഹയര്‍സെക്കന്‍ഡറി സ്‌കൂള്‍ നാഷണല്‍ സര്‍വിസ് സ്‌കീമിന്റെ ആഭിമുഖ്യത്തില്‍ ലഹരിവിരുദ്ധ ബോധവല്‍ക്കരണം നടത്തി. ജില്ലാപഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം ചെയ്തു. വിദ്യാര്‍ഥികള്‍ അടക്കമുള്ള പുതുതലമുറയില്‍ ലഹരിക്കെതിരേയുള്ള കാലോചിത ബോധവല്‍ക്കരണം നടത്താന്‍ വിദ്യാര്‍ഥികള്‍ തയാറാവണമെന്ന് അദ്ദേഹം പറഞ്ഞു.
പി.ടി.എ പ്രസിഡന്റ് കെ.മൂസ മൗലവി അധ്യക്ഷനായി. ജില്ലാ പഞ്ചായത്ത് മെമ്പര്‍ രജനി തടത്തില്‍, ബ്ലോക്ക് പഞ്ചായത്ത് മെമ്പര്‍ റംല, പ്രിന്‍സിപ്പല്‍ ഉഷാലക്ഷ്മി, പ്രധാനാധ്യാപകന്‍ രാമന്‍ നമ്പൂതിരി, പി.ടി.എ വൈസ് പ്രസിഡന്റ്  ഉമര്‍ഷാഫി, ദിനേശ് പെരുമണ്ണ, പി. രാധാകൃഷ്ണന്‍, എന്‍. അബ്ദുറസാഖ്, ബഷീര്‍ പെരുമണ്ണ, കെ. സുഗതകുമാരി, കെ. റിയാസ്, പ്രോഗ്രാം ഓഫിസര്‍ പി. അബ്ദുറഹ്മാന്‍ പ്രസംഗിച്ചു. കുന്ദമംഗലം എക്‌സൈസ് ഓഫിസര്‍ എം.കെ ഗിരീഷ്, സന്തോഷ് ചെറുവാട്ട് ക്ലാസെടുത്തു.