തിരുവനന്തപുരം: തിരുവനന്തപുരം വർക്കലയിൽ കണ്ണിൽ മുളകുപൊടി വിതറിയ ശേഷം വൃദ്ധയുടെ സ്വർണ്ണമാല കവർന്നു. പന്തുവിള വള്ളൂർ വീട്ടിൽ ഓമനയുടെ മാലയാണ് കവർന്നത്. മൂന്നു പവന്റെ മാലയാണ് നഷ്ടപ്പെട്ടത്. ഇന്ന് രാവിലെയായിരുന്നു സംഭവം.

അതിരാവിലെ വീടിന് പുറത്തുള്ള ശുചിമുറിയിലേക്ക് പോവുകയായിരുന്ന ഇവരെ പർദ ധരിച്ചെത്തിയ മോഷ്ടാവ് പിന്തുടർന്ന ശേഷം കണ്ണിൽ മുളകുപൊടി വിതറി മാല കവരുകയായിരുന്നു. ഉടൻതന്നെ ഓമന നിലവിളിച്ചെങ്കിലും നാട്ടുകാർ എത്തുന്നതിനു മുൻപേ കള്ളൻ ഓടി രക്ഷപ്പെട്ടു. സംഭവത്തിൽ ഓമനയുടെ പരാതിയിൽ വർക്കല പൊലിസ് അന്വേഷണം ആരംഭിച്ചിട്ടുണ്ട്.