ന്യൂഡല്‍ഹി: എന്‍.ഡി.എയ്ക്ക് ഹാട്രിക് വിജയം പ്രവചിച്ച എക്‌സിറ്റ് പോളുകളെ തള്ളി കോണ്‍ഗ്രസ് നേതാവ് രാഹുല്‍ ഗാന്ധി. ഇതിനെ എക്‌സിറ്റ് പോളുകള്‍ എന്നല്ല വിളിക്കുക, ഇതിനെ മോദി പോള്‍ എന്നാണ് വിളിക്കേണ്ടത്. ഇത് അദ്ദേഹത്തിന്റെ സങ്കല്‍പ്പത്തിലുള്ള പോളാണ്. എ.ഐ.സി.സി. ആസ്ഥാനത്ത് കോണ്‍ഗ്രസ് ലോക്‌സഭാ സ്ഥാനാര്‍ഥികളുമായുള്ള ഓണ്‍ലൈന്‍ മീറ്റിങ്ങിനുശേഷം മാധ്യമപ്രവര്‍ത്തകരുടെ ചോദ്യത്തോട് പ്രതികരിക്കുകയായിരുന്നു അദ്ദേഹം. 

ഇന്ത്യ സഖ്യം എത്ര സീറ്റുകള്‍ നേടുമെന്ന മാധ്യമപ്രവര്‍ത്തകരുടെ ചോദ്യത്തിന് നിങ്ങള്‍ സിദ്ധു മൂസവാലയുടെ 295 എന്ന പാട്ട് കേട്ടിട്ടുണ്ടോ എന്നായിരുന്നു രാഹുലിന്റെ മറുപടി.