കൊല്ലം: കൊട്ടാരക്കര എംസി റോഡില്‍ നിയന്ത്രണം വിട്ട് കാര്‍ മറിഞ്ഞ് പതിനാറുകാരി മരിച്ചു. കരിക്കം സ്വദേശിനി ആന്‍ഡ്രിയയാണ് മരിച്ചത്. തലക്കേറ്റ ഗുരുതര പരിക്കാണ് മരണ കാരണം. വാളകത്ത് വെച്ചായിരുന്നു അപകടം. ഒപ്പമുണ്ടായിരുന്ന മുത്തശ്ശി ശോശാമ്മയെ സാരമായ പരിക്കുകളോടെ വെഞ്ഞാറമ്മൂട് ആശുപത്രിയില്‍ പ്രവേശിപ്പിച്ചു. 

റോഡിന്റെ വശത്തെ കെട്ടിടത്തിന്റെ തിട്ടയില്‍ ഇടിച്ചാണ് കാര്‍ മറിഞ്ഞത്. പിന്‍സീറ്റില്‍ ഇരുന്ന ആന്‍ഡ്രിയ തല്‍ക്ഷണം മരിക്കുകയായിരുന്നു. 

ആന്‍ഡ്രിയയുടെ അമ്മ ബിന്‍സി ആണ് കാര്‍ ഓടിച്ചത്. ഇവരുടെ മാതാവിന്റെ ചികിത്സക്കായി തിരുവനന്തപുരം ഗോകുലം മെഡിക്കല്‍ കോളജില്‍ പോയി മടങ്ങി വരുമ്പോഴായിരുന്നു അപകടം.