തിരുവനന്തപുരം: സി.പി.ഐയുടെ രാജ്യസഭാ സ്ഥാനാര്‍ഥിയായി പാര്‍ട്ടി അസിസ്റ്റന്റ് സെക്രട്ടറി പി.പി സുനീറിനെ തെരഞ്ഞെടുത്തു. സി.പി.ഐ സംസ്ഥാന സെക്രട്ടറി ബിനോയ് വിശ്വമാണ് സ്ഥാനാര്‍ഥിത്വം പ്രഖ്യാപിച്ചത്. പൊന്നാനി സ്വദേശിയായ സുനീര്‍ നിലവില്‍ ഹൗസിങ് ബോര്‍ഡ് വൈസ് ചെയര്‍മാനാണ്. മുന്‍പ് പൊന്നാനി, വയനാട് മണ്ഡലങ്ങളില്‍ നിന്ന് ലോക്‌സഭയിലേക്ക് മത്സരിച്ചിട്ടുണ്ട്. 

വലിയ ചുമതലയാണ് നിര്‍വഹിക്കേണ്ടതെന്നും എല്ലാ സാധ്യതകളും പരമാവധി ഉപയോഗപ്പെടുത്തുമെന്നും സുനീര്‍ പറഞ്ഞു. 

ഇത്തവണ രാജ്യസഭാ സീറ്റ് സി.പി.ഐക്കും കേരള കോണ്‍ഗ്രസ് എമ്മിനുമാണ് സി.പി.എം നല്‍കിയത്. ഘടകകക്ഷികളുടെ ആവശ്യത്തിന് പിന്നാലെയാണ് തീരുമാനം. അതേസമയം സീറ്റ് വേണമെന്ന ആര്‍.ജെ.ഡി ആവശ്യം സിപിഎം തള്ളി.