പത്തനംതിട്ട: പത്തംതിട്ട പുല്ലാട് യുവാവ് ഭാര്യയെ കുത്തിക്കൊന്നു. അഞ്ചാനിക്കൽ വീട്ടിൽ ശ്യാമ എന്ന ശാരിമോൾ (35) ആണ് കൊല്ലപ്പെട്ടത്. ഭർത്താവ് അജി ആണ് ഇവരെ കൊലപ്പെടുത്തിയത്. അജിയുടെ ആക്രമണത്തിൽ ശ്യാമയുടെ പിതാവിനും, ഭാര്യ പിതാവിന്റെ സഹോദരിക്കും കുത്തേറ്റു. ഇരുവരെയും ആശുപത്രിയിൽ പ്രവേശിപ്പിച്ചു. ഒളിവിൽ പോയ അജിക്കായി പൊലിസ് അന്വേഷണം തുടങ്ങി.

ഇന്നലെ രാത്രിയോടെ പത്തനംതിട്ട പുല്ലാട് ആലുംന്തറയിലാണ് സംഭവം. കുടുംബ കലഹത്തെ തുടർന്ന് അജി ഭാര്യ ശ്യാമ, പിതാവ് ശശി, ശശിയുടെ സഹോദരി രാധാമണി എന്നിവരെ കുത്തുകയായിരുന്നു. അജി വീട്ടിലെത്തിയപ്പോൾ ശ്യാമയും ശശിയും രാധാമണിയുമാണ് വീട്ടിലുണ്ടായിരുന്നത്. ശ്യാമയുമായി വഴക്കിട്ട അജി കയ്യിൽ കരുതിയ കത്തി ഉപയോഗിച്ച് കുത്തി പരിക്കേൽപ്പിക്കുകയായിരുന്നു. ആദ്യം ശ്യാമാക്കാണ് കുത്തേറ്റത്. പിന്നീട് പിതാവിനെയും പിതാവിന്റെ സഹോദരിയെയും അജി കുത്തി വീഴ്ത്തി.

ആക്രമണത്തിനുശേഷം അജി സ്ഥലത്ത് നിന്ന് രക്ഷപ്പെട്ടു. കുത്തേറ്റ മൂന്നുപേരെയും രാത്രി തന്നെ കോട്ടയം മെഡിക്കൽ കോളേജിലെത്തിക്കുകയായിരുന്നു. തുടർന്ന് ഗുരുതരമായി പരിക്കേറ്റ ശ്യാമ പുലർച്ചെ മരിക്കുകയായിരുന്നു. അജിക്കായി പൊലിസ് അന്വേഷണം നടത്തുകയാണ്. 

In a shocking incident in Pullad, Pathanamthitta, a man fatally stabbed his wife during a violent altercation. The victim, Sharimol (35), also known as Shyama, was a resident of Anchaanickal House. She was allegedly killed by her husband, Aji.