ആർട്ടിഫിഷ്യൽ ഇൻ്റലിജൻസ് (എഐ) സോഫ്റ്റ്‌വെയർ പ്രൊഫഷണലുകളെ മാറ്റിസ്ഥാപിക്കില്ലെന്നും വാസ്തവത്തിൽ ഉൽപ്പാദനക്ഷമത വർധിപ്പിക്കുകയാണ് ചെയ്യുകയെന്ന് മൈക്രോസോഫ്റ്റ് (Microsoft) സ്ഥാപകൻ ബിൽ ഗേറ്റ്‌സ് പറഞ്ഞു. സീറോദ (Zerodha) സ്ഥാപകൻ നിഖിൽ കാമത്തിൻ്റെ തൻ്റെ പുതിയ പോഡ്‌കാസ്റ്റ് സീരീസായ പീപ്പിൾ ബൈ ഡബ്ല്യുടിഎഫിൻ്റെ ആദ്യ എപ്പിസോഡിലാണ് ഗേറ്റ്‌സ് ഈ അഭിപ്രായപ്രകടനം നടത്തിയത്. എഐ സംബന്ധിച്ച് വ്യാപകമായ ആശങ്കകൾക്കിടയിലാണ് ബിൽ ഗേറ്റ്സിന്റെ ആശ്വാസംപകരുന്ന പ്രസ്താവന. 

30 മിനിറ്റ് നീണ്ട അഭിമുഖത്തിൽ, മൈക്രോസോഫ്റ്റിലെ തൻ്റെ ആദ്യ നാളുകളെക്കുറിച്ചും സോഫ്റ്റ്‌വെയർ എഞ്ചിനീയറിംഗ് ഉൾപ്പെടെ വിവിധ മേഖലകളിലെ ആർട്ടിഫിഷ്യൽ ഇൻ്റലിജൻസിൻ്റെ (AI) വിപ്ലവകരമായ സാധ്യതകളെക്കുറിച്ചും ഗേറ്റ്സ് പ്രതിഫലിപ്പിച്ചു.

“ഞങ്ങൾക്ക് ഇപ്പോഴും സോഫ്റ്റ്‌വെയർ എഞ്ചിനീയർമാരെ ആവശ്യമുണ്ട്, കാരണം അവരുടെ ആവശ്യം ഞങ്ങൾ അവസാനിപ്പിക്കില്ല.” AI സംബന്ധിച്ച് സോഫ്റ്റ്‌വെയർ പ്രൊഫഷണലുകൾക്കിടയിൽ വർധിച്ചുവരുന്ന ആശങ്കയെ കുറിച്ചുള്ള ചോദ്യത്തിന് ഗേറ്റ്സ് മറുപടി പറഞ്ഞു.

AI-യുടെ ദ്രുതഗതിയിലുള്ള പുരോഗതിയെ ചുറ്റിപ്പറ്റിയുള്ള ഭയങ്ങളെ ലഘൂകരിക്കുന്ന തരത്തിലായിരുന്നു ഗേറ്റ്സിന്റെ വീക്ഷണം. ഒരു തൊഴിൽ ഇല്ലാതാക്കുന്നതിനേക്കാൾ ഉൽപ്പാദനക്ഷമത വർധിപ്പിക്കുന്ന സാങ്കേതികവിദ്യയുടെ പങ്കിനെ ഗേറ്റ്സ് വീക്ഷിക്കുകയും ഊന്നിപ്പറയുകയും ചെയ്തു. നിരവധി വ്യവസായങ്ങളെ മാറ്റാൻ സാധ്യതയുണ്ടെങ്കിലും, ഭാവിയിൽ എഐ സോഫ്റ്റ്‌വെയർ പ്രോഗ്രാമർമാരെ മാറ്റിസ്ഥാപിക്കില്ലെന്ന് അദ്ദേഹം പറഞ്ഞു.

എഐ സോഫ്റ്റ്‌വെയർ എഞ്ചിനീയർമാരെ മാറ്റിസ്ഥാപിക്കുന്നതിനെക്കുറിച്ചുള്ള ആശങ്കകളെ അദ്ദേഹം "അലാറമിസ്റ്റ്" എന്ന് വിശേഷിപ്പിച്ചു, മനുഷ്യൻ്റെ കഴിവുകളെ മാറ്റിസ്ഥാപിക്കുന്നതിനുപകരം സാങ്കേതികവിദ്യ പൂരകമാകുമെന്ന് ശ്രോതാക്കൾക്ക് ഉറപ്പ് നൽകി.

"ഈ സാങ്കേതികവിദ്യയുടെ അത്ഭുതകരമായ കാര്യം, പ്രധാന മേഖലകളിൽ ഇതിന് സഹായിക്കാനാകുമെന്ന് ഞങ്ങൾക്കറിയാം. വിധുഭ്യാസം നൽകാൻ അധ്യാപകരെ സൃഷ്ടിക്കാൻ ഇതിന് കഴിയുമെന്ന് ഞങ്ങൾക്കറിയാം. ഇന്ത്യയിലും യുഎസിലും മികച്ച ഫലങ്ങൾ കാണിക്കുന്ന നിരവധി പ്രോജക്റ്റുകൾ ഞങ്ങൾ കണ്ടു" ഗേറ്റ്സ് പറഞ്ഞു.

ഉൽപ്പാദനക്ഷമത വർധിപ്പിക്കുന്നതിലൂടെയും നിലവിലുള്ള റോളുകളെ പിന്തുണയ്‌ക്കുന്നതിലൂടെയും വിദ്യാഭ്യാസത്തിലും മറ്റ് നിർണായക മേഖലകളിലും എഐ-ക്ക് വലിയ പുരോഗതി കൈവരിക്കാൻ കഴിയുമെന്ന് ടെക് ശതകോടീശ്വരൻ പറഞ്ഞു. അതേസമയം, എഐ ഓട്ടോമേഷൻ എല്ലാ ജോലികളും മാറ്റിസ്ഥാപിക്കാൻ കഴിയുന്ന ഒരു ഘട്ടത്തിലെത്താനുള്ള സാധ്യത ഗേറ്റ്സ് അംഗീകരിച്ചു, എന്നാൽ അടുത്ത രണ്ട് ദശകത്തിനുള്ളിൽ ഈ സാഹചര്യം ഉണ്ടാകാൻ സാധ്യതയില്ലെന്ന് പറഞ്ഞു. 

മുതലാളിത്തം, സോഷ്യലിസം, ആരോഗ്യ സംരക്ഷണം, വിദ്യാഭ്യാസം, കാലാവസ്ഥാ വ്യതിയാനം തുടങ്ങിയ ആഗോള വെല്ലുവിളികളെ നേരിടുന്നതിൽ എഐ യുടെ പങ്ക് എന്നിവയുൾപ്പെടെ നിരവധി വിഷയങ്ങൾ നിഖിൽ കാമത്തുമായുള്ള അദ്ദേഹത്തിൻ്റെ സംഭാഷണത്തിൽ പറയുന്നു. ഉത്തരവാദിത്തമുള്ള എഐ വികസനത്തിൻ്റെ പ്രാധാന്യത്തെക്കുറിച്ചും സാങ്കേതികത നന്മയുടെ ശക്തിയാകാനുള്ള സാധ്യതയെക്കുറിച്ചും അദ്ദേഹം സ്പർശിച്ചു.