വിജയ്യുടെ പിറന്നാളാഘോഷത്തിനിടെ അപകടം; കുട്ടിയ്ക്ക് പൊള്ളലേറ്റു
ചെന്നൈ: നടന് വിജയ്യുടെ പിറന്നാളാഘോഷത്തിനിടെ പൊള്ളലേറ്റ് കുട്ടിക്ക് ഗുരുതര പരുക്ക്. അന്പതാം പിറന്നാളാഘോഷത്തിന്റെ ഭാഗമായി കൈയ്യില് തീ കത്തിച്ച് സാഹസികമായി ഓട് പൊട്ടിക്കുന്നതിനിടെയാണ് അപകടമുണ്ടായത്. ഇന്ന് രാവിലെയാണ് സംഭവം.
ചെന്നൈയിലെ നീലങ്കരൈയില് വിജയ്യുടെ രാഷ്ട്രീയപാര്ട്ടിയായ തമിഴക വെട്രി കഴകത്തിന്റെ ചെന്നൈ സബര്ബന് എക്സിക്യൂട്ടീവാണ് ജന്മദിനാഘോഷം സംഘടിപ്പിച്ചത്. സ്റ്റേജില് വച്ച് നടന്ന പ്രകടനത്തിനിടെ കുട്ടിയുടെ കൈയ്യിലേക്ക് തീ പടരുകയായിരുന്നു. കുട്ടിക്ക് പുറമെ തമിഴക വെട്രി കഴകത്തിന്റെ ഭാരവാഹിക്കും പൊള്ളലേറ്റു.
കള്ളക്കുറിച്ചിയില് 50 പേരുടെ മരണത്തിനിടയാക്കിയ വിഷമദ്യ ദുരന്തത്തില്പെട്ടവരെ സഹായിക്കണെമന്ന് അഭ്യര്ത്ഥിച്ചുകൊണ്ട് വിജയ് ജന്മദിനാഘോഷം ഒഴിവാക്കണമെന്ന് പാര്ട്ടി പ്രവര്ത്തകരോട് അഭ്യര്ഥിച്ചിരുന്നു. എന്നാല് വലിയ ആഘോഷ പരിപാടികളാണ് അണികള് പിറന്നാളാഘോഷത്തിന്റെ ഭാഗമായി സംസ്ഥാനത്തൊന്നാകെ ഒരുക്കിയത്.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."