മക്ക: കഅ്ബയുടെ താക്കോല്‍ സൂക്ഷിപ്പുകാരന്‍ ഡോ. സാലിഹ് ബിന്‍ സൈനുല്‍ ആബിദീന്‍ അല്‍ ശൈബി അന്തരിച്ചു. ശനിയാഴ്ചയായിരുന്നു അന്ത്യം.ജന്നത്തുല്‍ മുഅല്ലയില്‍ ഖബറടക്കും

നൂറ്റാണ്ടുകളായി കഅ്ബയുടെ താക്കോല്‍ സൂക്ഷിപ്പുകാരാണ് ശൈബി കുടുംബം.മക്കാ വിജയത്തിന് ശേഷം പ്രവാചകന്‍ മുഹമ്മദ് നബി (സ) കൈമാറിയതാണ് ഈ ചുമതല. കുടുംബ പരമ്പരയിലെ 109ാമത്തെ കണ്ണിയായ ഡോ. സാലിഹ് ബിന്‍ സൈനുല്‍ ആബിദീന്‍ അല്‍ ഷൈബി കഅബയുടെ 77ാമത്തെ സൂക്ഷിപ്പുകാരനായിരുന്നു. മക്കയിലാണ് അദ്ദേഹത്തിന്റെ ജനനം. പിതാവിന്റെ മരണ ശേഷം 2013ലാണ് അദ്ദേഹം ചുമതലയേല്‍ക്കുന്നത്.   

യൂണിവേഴ്‌സിറ്റി പ്രൊഫസറായി വിരമിച്ച അദ്ദേഹം നിരവധി പുസ്തകങ്ങള്‍ പ്രസിദ്ധീകരിച്ചിട്ടുണ്ട്.