തിരുവനന്തപുരം: കേരള സെക്ടറിൽ നിന്ന് പുതിയ വിമാന സർവിസ് ആരംഭിക്കാനൊരുങ്ങി എയർ ഇന്ത്യ. തിരുവനന്തപുരത്തുനിന്ന് ബം​ഗളൂരുവിലേക്കാണ് പുതിയ സർവിസ് തുടങ്ങുന്നത്. ജൂലൈ ഒന്നാം തീയ്യതി മുതൽ സർവിസിനു തുടക്കമാകും. ആഴ്ചയിൽ എല്ലാ ദിവസവും തിരുവനന്തപുരത്തേക്കും തിരിച്ചും സർവിസ് ഉണ്ടാകും.

ബംഗളൂരുവിൽ നിന്ന് വൈകുന്നേരം മൂന്ന് മണിക്ക് പുറപ്പെടുന്ന വിമാനം (AI 567) വൈകുന്നേരം 4:15ന് തിരുവനന്തപുരം വിമാനത്താവളത്തിൽ ഇറങ്ങും. ഇതേവിമാനം (AI 568) തിരികെ തിരുവനന്തപുരത്തു നിന്ന് വൈകുന്നേരം 4:55ന് പുറപ്പെട്ട് 06:10ന് ബംഗളൂരുവിൽ എത്തും. പ്രതിദിനം ഈ സർവിസ് ഉണ്ടാകും.

നിലവിൽ എയർ ഇന്ത്യ എക്സ്പ്രസ്, വിസ്താര, ഇൻഡിഗോ എന്നീ കമ്പനികളുടെ വിമാനങ്ങൾ ഇതേ  റൂട്ടിൽ പ്രതിദിന സർവിസുകൾ നടത്തുന്നുണ്ട്.