കൊടിഞ്ഞി ഫൈസല് വധക്കേസ്: 'സ്പെഷ്യല് പബ്ലിക് പ്രോസിക്യൂട്ടര് നിയമനം വൈകിപ്പിച്ചു'; സര്ക്കാറിനെതിരെ നിയമസഹായ സമിതി
മലപ്പുറം: കൊടിഞ്ഞി ഫൈസല് വധക്കേസില് സര്ക്കാരിനെതിരെ കടുത്ത ആരോപണവുമായി നിയമ സഹായ സമിതി. സ്പെഷ്യല് പബ്ലിക് പ്രോസിക്യൂട്ടര് നിയമനം സര്ക്കാര് വൈകിപ്പിച്ചുവെന്ന് സമിതി ചൂണ്ടിക്കാട്ടുന്നു. കേസുമായി ബന്ധപ്പെട്ട് സര്ക്കാറിന്റെ ഭാഗത്തുനിന്ന് ഫൈസലിന്റെ കുടുംബത്തിന് നീതി ലഭിച്ചില്ലന്നും ഫൈസല് നിയമസഹായ സമിതി ഭാരവാഹികള് വ്യക്തമാക്കി.
പ്രമുഖ അഭിഭാഷകന് അഡ്വ. പി കുമാരന് കുട്ടിയെ സ്പെഷ്യല് പബ്ലിക് പ്രോസിക്യൂട്ടറായി നിയമിക്കണമെന്ന് ആവശ്യപ്പെട്ട് ഫൈസലിന്റെ കുടുംബം സര്ക്കാരിനെ സമീപിച്ചിരുന്നു. എന്നാല് സര്ക്കാര് മുഖം തിരിച്ചെന്ന് കുടുംബം ആരോപിക്കുന്നു. സ്പെഷ്യല് പബ്ലിക് പ്രോസിക്യൂട്ടര് ഇല്ലാത്തത് കൊടിഞ്ഞി ഫൈസല് വധക്കേസ് കഴിഞ്ഞ മൂന്ന് തവണയാണ് തിരൂര് കോടതി മാറ്റിവെച്ചത്.
ഫൈസലിന്റെ ഭാര്യ ജസ്ന സമര്പ്പിച്ച ഹരജിയിലാണ് കേസില് അഡ്വ. പി.കുമാരന്കുട്ടിയെ സ്പെഷല് പബ്ലിക് പ്രോസിക്യൂട്ടറായി നിയമിക്കണമെന്ന് ഹൈക്കോടതി ഉത്തരവിട്ടിരുന്നത് . ആറ് ആഴ്ചക്കകം സര്ക്കാര് ഉത്തരവ് പുറപ്പെടുവിക്കണമെന്നായിരുന്നു ഉത്തരവില് പറഞ്ഞിരുന്നത്. എന്നാല് നിയമനം വൈകി. മാത്രമല്ല കേസില് പ്രതികളെ സംരക്ഷിക്കുന്ന പ്രവര്ത്തനമാണ് സര്ക്കാറിന്റെ ഭാഗത്തുനിന്ന് ഉണ്ടാവുന്നതെന്നും നിമസമിതി ഭാരവാഹികള് ചൂണ്ടിക്കാട്ടുന്നു. ഫൈസലിന്റെ കുടുംബത്തിന് നീതി ലഭിക്കാനുള്ള നീക്കം സര്ക്കാര് നടത്തുന്നില്ലെന്നും ഇവര് കൂട്ടിച്ചേര്ത്തു.
2016 നവംബര് 19ന് പുലര്ച്ചെയാണ് കൊടിഞ്ഞി ഫാറൂഖ് നഗറില് വെച്ച് ഫൈസല് കൊല്ലപ്പെടുന്നത്. കേസില് പ്രതിചേര്ക്കപ്പെട്ട ആര് എസ് എസ് പ്രവര്ത്തകര് പിന്നീട് ജാമ്യത്തില് ഇറങ്ങി. സ്പെഷ്യല് പബ്ലിക് പ്രോസിക്യൂട്ട് ഇല്ലാത്തതിനാല് മാറ്റിവച്ച കേസ് അടുത്ത മാസം 23ന് വീണ്ടും പരിഗണിക്കും.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."