വടക്കാഞ്ചേരി: മച്ചാട് നിറമംഗലം ക്ഷേത്രത്തിലെ ഗണേശോത്സവത്തിനു തുടക്കമായി. നടന്‍ ശിവജി ഗുരുവായൂര്‍ ഉദ്ഘാടനം ചെയ്തു. ചുറ്റമ്പല സമര്‍പ്പണം ഗുരുവായൂര്‍ ക്ഷേത്രം തന്ത്രി ഡോ.ചേന്നാസ് ദിനേശന്‍ നമ്പൂതിരിപ്പാട് നിര്‍വഹിച്ചു. ദേവസ്വം ഓഫീസര്‍ ഇ.എസ് ദിനേശന്‍, പഞ്ചായത്തംഗങ്ങളായ രാജീവന്‍ തടത്തില്‍, സുജാത ശ്രീനിവാസന്‍, അയ്യപ്പ ധര്‍മസേന ദേശീയ ജനറല്‍ സെക്രട്ടറി ഷെല്ലിരാമന്‍ പുരോഹിത്, സഞ്ജയ്.സി.മേനോന്‍, ക്ഷേത്ര ഉപദേശക സമിതി പ്രസിഡന്റ് സുഹാസ് കല്ലിപറമ്പില്‍, സെക്രട്ടറി കെ.സുരേഷ്, കെ.രാജേഷ്, മാതൃസമിതി കല്ല്യാണിക്കുട്ടിയമ്മ എന്നിവര്‍ സംസാരിച്ചു. വിഗ്രഹ ഘോഷയാത്ര കുടുംബാട്ടുകാവ് ക്ഷേത്രത്തില്‍ നിന്ന് ആരംഭിച്ച് നിറമംഗലം ക്ഷേത്രത്തില്‍ സമാപിച്ചു. സെപ്റ്റംബര്‍ അഞ്ചിനാണ് വിഗ്രഹ നിമഞ്ജന ഘോഷയാത്ര.
ഫോട്ടോ  മച്ചാട് നിറമംഗലം ക്ഷേത്രത്തിലെ ഗണേശോത്സവം നടന്‍ ശിവജി ഗുരുവായൂര്‍ ഉദ്ഘാടനം ചെയ്യുന്നു.