ന്യൂഡല്‍ഹി: ഐഎഎസ് ട്രെയ്‌നി പൂജ ഖേദ്കറിനെതിരേ യൂണിയന്‍ പബ്ലിക് സര്‍വ്വിസ് കമ്മിഷന്‍ (യു.പി.എസ്.സി) കേസ് നല്‍കി. വിവാദ ഐഎഎസ് ട്രയിനി ഓഫീസര്‍ പൂജ ഖേദ്കറിനെതിരെ യുപിഎസ്സി നിയമനടപടിക്കൊരുങ്ങി. വ്യാജരേഖ ചമച്ചെന്ന് ചൂണ്ടിക്കാട്ടി യുപിഎസ്‌സി പൂജക്കെതിരെ പൊലിസില്‍ പരാതി നല്‍കി. ഐഎഎസ് റദ്ദാക്കാതിരിക്കാനും ഭാവിയിലെ പരീക്ഷകളിലും അഭിമുഖങ്ങളില്‍ നിന്നും വിലക്കാതിരിക്കാനും കാരണം ഉണ്ടെങ്കില്‍ അറിയിക്കണമെന്ന് ആവശ്യപ്പെട്ട് പൂജക്ക് ഷോക്കേസ് നോട്ടിസ് നല്‍കി. വ്യാജരേഖ സമര്‍പ്പിച്ച സംഭവത്തില്‍ സമഗ്രമായ അന്വേഷണം നടത്തുമെന്നും യുപിഎസ്‌സി അറിയിച്ചു.

പരീക്ഷാ ചട്ടങ്ങള്‍ മറികടന്ന് വ്യാജ രേഖകള്‍ സമര്‍പ്പിച്ചതായി യുപിഎസ്സി പ്രാഥമിക അേന്വഷണത്തില്‍ കണ്ടെത്തി. പേര്, വിലാസം,അച്ഛന്റെ പേര്, അമ്മയുടെ പേര്, ഫോട്ടോ, ഇമെയില്‍ ഐഡി, വരുമാനം എന്നിവയില്‍ മാറ്റം വരുത്തിയാണ് പരീക്ഷയ്ക്ക് അപേക്ഷിച്ചതെന്നും അന്വേഷണത്തില്‍ കണ്ടെത്തി.

പൊലീസില്‍ പരാതി നല്‍കിയതിന് പിന്നാലെ പൂജയുടെ ഐഎഎസ് റദ്ദാക്കാതിരിക്കാനും ഭാവിയിലെ പരീക്ഷകളില്‍ നിന്ന് വിലക്കാതിരിക്കാനും കാരണം അറിയിക്കണമെന്ന് ആവശ്യപ്പെട്ട് കാരണം കാണിക്കല്‍ നോട്ടീസ് നല്‍കിയതായും യുപിഎസ് സി പ്രസ്താവനയില്‍ പറഞ്ഞു. വീഴ്ചകളില്‍ സമഗ്രമായ അന്വേഷണം നടത്തുമെന്നും കൂടുതല്‍ ജാഗ്രത തുടരുമെന്നും യുപിഎസ് സി അറിയിച്ചു.