തൃശൂര്‍: ശ്രീനാരായണ ഗുരുവിന്റെ നമുക്ക് ജാതിയില്ല വിളംബര ശതാബ്ദി ആഘോഷങ്ങളുടെ ഭാഗമായി ജില്ലയില്‍ വിവിധ പരിപാടികള്‍ സംഘടിപ്പിക്കുന്നു. ജില്ലാതല പരിപാടിയുടെ സ്വാഗതസംഘ രൂപീകരണ യോഗം സെപ്റ്റംബര്‍ മൂന്നിന് ഉച്ചക്ക് 12ന് ജില്ലാ ആസൂത്രണ ഭവന്‍ ഹാളില്‍ നടക്കും. കൃഷി മന്ത്രി വി.എസ് സുനില്‍കുമാര്‍ അധ്യക്ഷനാകും. ജില്ലയിലെ മന്ത്രിമാരായ എ.സി മൊയ്തീന്‍, സി.രവീന്ദ്രനാഥ്, എം.പിമാര്‍, എം.എല്‍.എമാര്‍, മറ്റു ജനപ്രതിനിധികള്‍, ജില്ലാ കലക്ടര്‍ ഡോ. എ.കൗശിഗന്‍, വിവിധ രാഷ്ട്രീയ പാര്‍ട്ടി പ്രതിനിധികള്‍, യുവജന സന്നദ്ധ സംഘടനാ പ്രതിനിധികള്‍, സാംസ്‌കാരിക സംഘടനാ ഭാരവാഹികള്‍, വകുപ്പുദ്യോഗസ്ഥര്‍ തുടങ്ങിയവര്‍ സംബന്ധിക്കും.