തൊട്ടില്‍പ്പാലം: ധാര്‍മികതയും മാനുഷികബോധവും ഉള്‍ക്കൊണ്ടണ്ട് വിദ്യാര്‍ഥിസമൂഹം നന്മയുടെ വാഹകരാകണമെന്ന് പാറക്കല്‍ അബ്ദുല്ല എം.എല്‍.എ. കൊടക്കല്‍ ദാറുറഹ്മ അറബിക് കോളജ് മിഅ്‌റാജുല്‍ ഇര്‍ഫാന്‍ സ്റ്റുഡന്റ്‌സ് അസോസിയേഷന്റെ പ്രവര്‍ത്തനോദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം. സി.കെ അന്ത്രു ഹാജി അധ്യക്ഷനായി. നവീകരിച്ച ലൈബ്രറിയുടെ ഉദ്ഘാടനവും കാംപസില്‍ ഒരു വര്‍ഷത്തേക്ക് സി.കെ റിയാസ് സ്‌പോണ്‍സര്‍ ചെയ്ത സുപ്രഭാതം പത്രം കൈമാറലും എം.എല്‍.എ നിര്‍വഹിച്ചു.
എ.കെ.കെ തങ്ങള്‍, മുനീര്‍ ഫൈസി, യു.കെ അബ്ദുല്‍ ഹമീദ് ഹാജി, കെ.കെ ഉമ്മര്‍ മാസ്റ്റര്‍, സി.കെ പോക്കര്‍, കുമ്പളങ്കണ്ടണ്ടി അഹമ്മദ്, എ.പി മൊയ്തു മാസ്റ്റര്‍, വി.പി അബ്ദുറഹ്മാന്‍ ഹാജി, കൊളപ്പറമ്പത്ത് അമ്മദ് ഹാജി, സത്താര്‍ ദാരിമി, ഷൈജല്‍ അഹമ്മദ്, ഡോ. സമീര്‍ അഹമ്മദ്, അജ്മല്‍ വടകര, മുഹമ്മദ് അബൂബക്കര്‍, റമീസ് കൊന്നക്കല്‍ സംസാരിച്ചു.