പാരിസ്: ഷൂട്ടിങ് റേഞ്ചില്‍ നിന്ന് ഹാട്രിക് മെഡലുകളെന്ന സ്വപ്‌നവുമായി ഇറങ്ങിയ മനു ഭാക്കറിന്‌
നിരാശ. വനിതകളുടെ 25 മീറ്റര്‍ പിസ്റ്റള്‍ ഫൈനലില്‍ മനുവിന് നാലാം സ്ഥാനം. ഷൂട്ടോഫില്‍ രണ്ട് പോയന്റ് മാത്രം നേടിയ മനുവിനെ പിന്തള്ളി ഹംഗറിയുടെ വെറോണിക്ക മേജര്‍ വെങ്കലം സ്വന്തമാക്കുകയായിരുന്നു.

4,5,6,7 സീരീസുകളില്‍ നാലു പോയിന്റുകള്‍ വീതം നേടി മുന്നിലുണ്ടായിരുന്നെങ്കിലും അവസാന ഘട്ടത്തില്‍ പിഴച്ചതോടെയാണ് മെഡല്‍ നഷ്ടമായത്. 

25 മീറ്റര്‍ പിസ്റ്റളില്‍ ദക്ഷിണകൊറിയയുടെ യാങ് ജിന്‍ സ്വര്‍ണം നേടി. ഫ്രാന്‍സിന്റെ കാമില്ല ജെദ്‌റസ്‌കിക്കാണ് വെള്ളി. 

നേരത്തെ പത്ത് മീറ്റര്‍ എയര്‍ പിസ്റ്റള്‍ വ്യക്തിഗത ഇനത്തിലും മിക്സഡ് ടീം ഇനത്തിലും താരം രണ്ട് വെങ്കലങ്ങള്‍ ഇന്ത്യക്ക് സമ്മാനിച്ചിരുന്നു.