വടകര: സംസാര ശ്രവണ വൈകല്യത്തെ അതിജീവിച്ചു പഠനത്തോടൊപ്പം ട്രാക്കിലും വേദിയിലും പൊരുതുന്ന അഞ്ജന ദേശീയ മത്സരത്തിന്. കോഴിക്കോട്ടു നടന്ന സംസ്ഥാന ബധിര കായിക മേളയില്‍ ഡിസ്‌കസ് ത്രോയില്‍ സ്വര്‍ണ മെഡലും ജാവലിങ് ത്രോയില്‍ വെള്ളി മെഡലും നേടിയ അഞ്ജന വിലാതപുരത്തെ ഞള്ളംകണ്ടി രമേശന്റെയും സന്ധ്യയുടെയും മകളാണ്.
നവംബറില്‍ ജാംഷഡ്പൂരില്‍ നടക്കുന്ന ദേശീയ മത്സരത്തില്‍ പങ്കെടുക്കാന്‍ യോഗ്യത നേടിയ അഞ്ജന ഇരിട്ടി ചാവറ ബധിര വിദ്യാലയത്തിലെ പത്താം ക്ലാസ് വിദ്യാര്‍ഥിനിയാണ്.
വടകര റോട്ടറി സ്‌കൂളില്‍ അപ്പര്‍ പ്രൈമറി വിദ്യാര്‍ഥിനിയായിരിക്കുമ്പോള്‍ തന്നെ ജില്ലാ സംസ്ഥാന കലാ-കായിക മത്സരങ്ങളില്‍ പങ്കെടുത്തു വിജയിച്ചിരുന്നു.