കൊല്ലം: പോസ്റ്റ് ഓഫീസ് നിക്ഷേപ തട്ടിപ്പ് കേസിൽ സി.പി.ഐ.എം വനിത നേതാവിനെ പൊലിസ് അറസ്റ്റ് ചെയ്തു. സി.പി.എം ആശ്രാമം ബ്രാഞ്ച് കമ്മറ്റിയംഗമായ ഉളിയക്കോവിൽ സ്വദേശി ഷൈലജയാണ് അറസ്റ്റിലായത്. അഞ്ച് വർഷക്കാലത്തോളം നിക്ഷേപകരിൽ നിന്ന് വാങ്ങിയ പണം പോസ്റ്റ് ഓഫീസിൽ അടക്കാതെ ഇവർ തട്ടിപ്പ് നടത്തുകയായിരുന്നു.

പോസ്റ്റ് ഓഫീസ് മഹിളാ പ്രധാൻ ഏജൻ്റായി പ്രവർത്തിച്ചുവരികയായിരുന്നു ഷൈലജ. 2017 മുതൽ 2022 വരെയുള്ള കാലയളവിനുള്ളിൽ നിക്ഷേപകരിൽ നിന്ന് സമാഹരിച്ച തുക പോസ്റ്റ് ഓഫീസിൽ ഇവർ നിക്ഷേപിച്ചില്ല. പിന്നീട് നിക്ഷേപകർ പണം മടക്കി വാങ്ങാൻ എത്തിയപ്പോഴാണ് തട്ടിപ്പ് മനസ്സിലാക്കുന്നത്. ഇതോടെ പൊലിസിൽ പരാതി നൽകുകയായിരുന്നു.