മസ്കത്ത്: ​ഗൾഫ് രാജ്യങ്ങളിലെ മേഖലകളിലേക്ക് കുറഞ്ഞ നിരക്കില്‍ വിമാന യാത്ര ചെയ്യാന്‍ അവസരവുമായി ഒമാന്‍റെ ബജറ്റ് എയര്‍ലൈനായ സലാം എയര്‍.സലാം എയര്‍ ലോ ഫെയര്‍-മെഗാ സെയില്‍ പ്രമോഷന്‍ അവതരിപ്പിച്ചിരിക്കുകയാണ്. 

സെപ്തംബര്‍ 16 മുതല്‍ അടുത്ത മാര്‍ച്ച് 31 വരെയുള്ള യാത്രകള്‍ക്കാണ് സലാം എയര്‍ ഈ ഓഫര്‍ പ്രഖ്യാപിച്ചിരിക്കുന്നത്. റിയാദ്, ദുബൈ, ഫുജൈറ, ബാഗ്ദാദ്,ബഹ്റൈന്‍, ദമ്മാം,ദോഹ,കുവൈത്ത് എന്നിവിടങ്ങളില്‍ നിന്ന് ഒമാനിലേക്കുള്ള വിമാന യാത്രക്ക് ടിക്കറ്റ് നിരക്കില്‍ ഈ ഇളവ് ലഭിക്കും. അതേസമയം യാത്രയ്ക്ക് മൂന്ന് ദിവസം മുമ്പേ ടിക്കറ്റ് ബുക്ക് ചെയ്തിരിക്കണം. നിരക്കിളവ് എയര്‍ലൈന്‍റെ വെബ്സൈറ്റില്‍ മാത്രമേ ലഭിക്കുകയുള്ളു. യുഎഇയില്‍ നിന്ന് മലയാളികളടക്കം നിരവധി പേര്‍ കാര്‍, ബസ് മാര്‍ഗം ഒമാനിലേക്ക് യാത്ര ചെയ്യാറുണ്ട്. ഇത്തരത്തില്‍ യാത്ര ചെയ്യുന്നവര്‍ക്ക് നിരക്കിളവ് വളരെ ​ഗുണകരമാവും.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക