തിരുവനന്തപുരം: 54-മത് സംസ്ഥാന ചലച്ചിത്ര പുരസ്‌കാരം പ്രഖ്യാപിച്ചു. മികച്ചനടന്‍ പൃഥ്വിരാജ് സുകുമാരന്‍. ആടുജീവിതമെന്ന സിനിമയിലെ അഭിനയത്തിനാണ് പുരസ്‌കാരം. മികച്ച നടിക്കുള്ള പുരസ്‌കാരം രണ്ടു പേര്‍ പങ്കിട്ടു.  ഉര്‍വശി(ഉള്ളൊഴുക്ക്),ബീന ആര്‍ ചന്ദ്രന്‍ (തടവ്)എന്നിവര്‍ക്കാണ് പുരസ്‌കാരം.

മമ്മൂട്ടി നായകനായ കാതല്‍ ആണ് മികച്ച ചിത്രം.ബ്ലെസിയാണ് മികച്ച സംവിധായകന്‍. മികച്ച സ്വഭാവ നടന്‍ വിജയരാഘവന്‍ (പൂക്കാലം), മികച്ച സ്വഭാവ നടി ശ്രീഷ്മ (പൊമ്പിളൈ ഒരുമൈ). മികച്ച കഥാകൃത്ത് ആദര്‍ശ് സുകുമാരന്‍(കാതല്‍) . മികച്ച ഛായാഗ്രഹണം സുനില്‍ കെഎസ് (ആടുജീവിതം). മികച്ച സംഗീത സംവിധായകന്‍ മാത്യൂസ് പുളിക്കല്‍(കാതല്‍). മികച്ച പിന്നണി ഗായകന്‍ വിദ്യാധരന്‍ മാസ്റ്റര്‍.  സെക്രട്ടേറിയറ്റിലെ പി ആര്‍ ചേംബറില്‍ സാംസ്‌കാരിക മന്ത്രി സജി ചെറിയാനാണ് പുരസ്‌കാരങ്ങള്‍ പ്രഖ്യാപിച്ചത്.