പൊന്നാനി: പൊന്നാനിയിലെ കെട്ടിടനിര്‍മാണങ്ങൡധികവും നിലവിലെ നിയമങ്ങള്‍ പാലിക്കാതെയാണെന്ന് ആക്ഷേപം. 1927ലെ സര്‍വേ സ്‌കെച്ച് പ്രകാരമാണ്  പല  കെട്ടിടങ്ങളും നിര്‍മിക്കുന്നത്.
  പൊന്നാനി ചമ്രവട്ടം ജങ്ഷന്‍ മുതല്‍ കോടതിപ്പടി വരെയുള്ള റോഡരികില്‍ നിര്‍മിച്ച കെട്ടിടങ്ങള്‍ പലതും സര്‍ക്കാര്‍ ഉത്തരവ് ലംഘിച്ചാണ് നിര്‍മിച്ചതെന്നാണ് ആക്ഷേപം. ദേശീയപാത, സംസ്ഥാനപാത എന്നിവിടങ്ങളില്‍ കെട്ടിടങ്ങള്‍ നിര്‍മിക്കുമ്പോള്‍ റോഡില്‍നിന്ന് അഞ്ചു മീറ്റര്‍ വിട്ടുവേണം നിര്‍മിക്കണമെന്നാണ് ചട്ടം. എന്നാല്‍,  ഇപ്പോഴും 1927ലെ സര്‍വേ സ്‌കെച്ച് പ്രകാരമാണ് കെട്ടിടങ്ങളില്‍ പലതും നിര്‍മിച്ചിട്ടുള്ളത്. റോഡരികിലെ അനധികൃത കൈയേറ്റങ്ങള്‍ക്കെതിരേ ട്രാഫിക് നവീകരണ സമിതിയുടെ നിര്‍ദേശ പ്രകാരം നടപടി തുടങ്ങാനൊരുങ്ങുമ്പോഴും പഴയ സര്‍വേ സ്‌കെച്ച് പ്രകാരം നിര്‍മാണം നടന്നിട്ടുള്ളതിനാല്‍ കൂടുതല്‍ നടപടികളിലേക്കു നീങ്ങാന്‍ കഴിയാത്ത സാഹചര്യമാണുള്ളത്.
കൃത്യമായ വിവരം ദേശീയപാത അധികൃതരുടെ കൈവശമില്ലാത്തതിനാല്‍ താലൂക്ക് സര്‍വേയറെക്കൊണ്ടു സര്‍വേ നടത്താനാണ് തീരുമാനിച്ചിരിക്കുന്നത്.
അടുത്ത മാസം ഒന്നിന് സര്‍വേ നടപടികള്‍ ആരംഭിക്കും. സര്‍വേയില്‍ കൈയേറ്റമാണെന്നു കണ്ടെത്തുന്നവര്‍ക്കു നോട്ടീസ് നല്‍കും.
നോട്ടീസ് നല്‍കിയിട്ടും സ്വമേധയാ പൊളിച്ചുനീക്കാത്തവരുടെ അനധികൃത കൈയേറ്റങ്ങളില്‍ ഓണം കഴിഞ്ഞാലുടന്‍ അധികൃതര്‍ നേരിട്ടെത്തി നടപടികളെടുക്കാനും തീരുമാനമായിട്ടുണ്ട്.