സുഗന്ധമുള്ള ഒരു സുഗന്ധവ്യഞ്ജനമായ ഏലയ്ക്ക, വിഭവങ്ങള്‍ക്ക് രുചി കൂട്ടാന്‍ മാത്രമല്ല. വയറ്റിലെ കൊഴുപ്പ് കുറയ്ക്കാനും സഹായിക്കുന്നതാണ്. പക്ഷേ വേണ്ട വിധത്തില്‍ കഴിക്കണം. 

ഏലക്ക ചായ: 

ചതച്ച നാലഞ്ച് ഏലക്കായകള്‍ തേയിലയ്‌ക്കൊപ്പം ചേര്‍ത്ത് വെള്ളത്തില്‍ തിളപ്പിച്ച് ഏലക്ക ചായ ഉണ്ടാക്കാം. മെറ്റബോളിസം വര്‍ദ്ധിപ്പിക്കുന്നതിനും വയറിന് ചുറ്റുമുള്ള കൊഴുപ്പ് നഷ്ടപ്പെടുന്നതിനും ഇത് ദിവസവും കുടിക്കുക.

ഏലക്കായും നാരങ്ങാ വെള്ളവും 

ചെറുനാരങ്ങാവെള്ളത്തില്‍ ഒരു നുള്ള് ഏലയ്ക്കാപ്പൊടി ചേര്‍ക്കുക. ഈ കോമ്പിനേഷന്‍ നിങ്ങളുടെ ശരീരത്തിലെ വിഷാംശം ഇല്ലാതാക്കാനും വയറിലെ കൊഴുപ്പ് കുറയ്ക്കാനും സഹായിക്കും.

പാചകത്തില്‍ ഏലം 

നിങ്ങളുടെ പാചകത്തില്‍ ഏലം ഉള്‍പ്പെടുത്തുക. കറികളിലും സൂപ്പുകളിലും പായസങ്ങളിലും ഇത് ഉപയോഗിക്കുക, വിഭവങ്ങളുടെ രുചി കൂട്ടാനും ഇത് സഹായിക്കും

തേനും ഏലയ്ക്കാപ്പൊടിയും 

ഏലയ്ക്ക പൊടിച്ചത് തേനില്‍ കലര്‍ത്തി വെറും വയറ്റില്‍ കഴിക്കുക. ഈ മിശ്രിതം ദഹനം മെച്ചപ്പെടുത്താനും വയറിലെ കൊഴുപ്പ് കുറയ്ക്കാനും സഹായിക്കും.

ഏലക്ക- ഇഞ്ചി ചായ

ഇഞ്ചിയും ഏലക്കയും ഇട്ട് ചായ ഉണ്ടാക്കുക. രണ്ട് ചേരുവകള്‍ക്കും തെര്‍മോജെനിക് ഗുണങ്ങളുണ്ട്, ഇത് കൊഴുപ്പിനെ കത്തിച്ചുകളയുന്നു.