തിരുവമ്പാടി: രഹസ്യവിവരത്തെ തുടര്‍ന്ന് തിരുവമ്പാടി പൊലിസ് നടത്തിയ പരിശോധനയില്‍ ആനക്കാംപൊയില്‍ റിസോട്ടില്‍ വെച്ച് കാറില്‍ കടത്തുകയായിരുന്ന 6.32 ഗ്രാം എം.ഡി.എം.എ പിടികൂടി. സംഭവത്തില്‍ യുവതിയടക്കം രണ്ടുപേരെ അറസ്റ്റു ചെയ്തു. വാവാട് വിരലാട്ട് മുഹമ്മദ് ഡാനിഷ് (29), കൈതപ്പൊയില്‍ ആനോറമ്മല്‍ ജിന്‍ഷ (25) എന്നിവരാണ് പിടിയിലായത്. 

തിരുവമ്പാടി എസ്.ഐ വി.കെ റസാഖ്, എ.എസ്.ഐമാരായ രജനി, ഷീന, സിവില്‍ പൊലിസ് ഓഫിസര്‍മാരായ അനൂപ്, ഉജേഷ്, സുഭാഷ്, സുബീഷ്, രജീഷ് എന്നിവരടങ്ങിയ സംഘമാണ് പ്രതികളെ പിടികൂടിയത്.