അബൂദബി: നാലാമത് അൽ സില മറൈൻ ഫെസ്‌റ്റിവൽ അബൂദബി അൽ ദഫ്ര റീജനിലെ അൽ സില ബീച്ചിൽ ആരംഭിച്ചു. അബൂദബി ഹെറിറ്റേജ് അതോറിറ്റിയും അബൂദബി മറൈൻ സ്പോർട്‌സ് ക്ലബ്ബും സംയുക്തമായി സംഘടിപ്പിക്കുന്ന പരിപാടി ഈ മാസം 8ന് സമാപിക്കും.

പരമ്പരാഗതവും ആധുനികവുമായ 73 മറൈൻ മത്സരങ്ങൾ, ബീച്ച്, സ്പോർട്‌സ് റേസുകൾ, പൈതൃക മത്സരങ്ങൾ എന്നിവ ഫെസ്‌റ്റിവലിന്റെ ഭാ​ഗമാണ്. യുഎഇയുടെ സമുദ്ര, മരുഭൂമി പൈതൃകം സംരക്ഷണം, എമിറാത്തി പൈതൃകം, ആചാരങ്ങൾ, പാരമ്പര്യങ്ങൾ എന്നിവ പ്രദർശിപ്പിക്കുക അവ യുവതലമുറയ്ക്ക് കൈമാറുക തുടങ്ങിയവയാണ് പ്രധാനമായും ഫെസ്‌റ്റിവലിന്റെ ലക്ഷ്യങ്ങൾ. അതേസമയം ഫെസ്റ്റിവൽ യുഎഇയുടെ സമുദ്ര, പൈതൃക കായിക വിനോദങ്ങളെ പിന്തുണയ്ക്കുകയും അൽ ദഫ്ര മേഖലയിലെ ടൂറിസത്തെയും സാമ്പത്തിക വികസനത്തെയും പ്രോത്സാഹിപ്പിക്കുകയും ചെയ്യുന്നു.

Get information on the Al Sila Marine Festival, including dates, activities, and conservation efforts.