തൃശൂര്‍: ഇരിങ്ങാലക്കുട നഗരസഭയുടെ ശുചിത്വ മിഷന്‍ അംബാസിഡര്‍ പദവി രാജിവച്ച് ഇടവേള ബാബു. ജൂനിയര്‍ ആര്‍ട്ടിസ്റ്റിന്റെ പരാതി വന്ന പശ്ചാത്തലത്തില്‍ പദവിയില്‍ നിന്ന് നീക്കണമെന്നാവശ്യപ്പെട്ട് പാതുപ്രവര്‍ത്തകനായ ഷിയാസ് പാളയംകോട്ട് ഇരിങ്ങാലക്കുട നഗരസഭ ചെയര്‍പേഴ്‌സണ് പരാതി നല്‍കിയിരുന്നു. ഇതിനിടയിലാണ് വൈകുന്നേരം ഇടവേള ബാബു പദവിയില്‍ നിന്ന് സ്വയം ഒഴിവായ കാര്യം നഗരസഭയെ അറിയിച്ചത്.

നടിയുടെ പരാതിയില്‍ നടന്‍ ഇടവേള ബാബുവിനെതിരേ കേസെടുത്തിരുന്നു. ഇടവേള ബാബു അമ്മയിലെ അംഗത്വവുമായി ബന്ധപ്പെട്ട് നടിയോട് മോശമായി പെരുമാറിയെന്നാണ് കേസ്. എറണാകുളം നോര്‍ത്ത് പൊലിസ് ആണ് കേസെടുത്തിരിക്കുന്നത്.

കഴിഞ്ഞ ദിവസം പ്രത്യേകാന്വേഷണ സംഘത്തിന് മുന്‍പാകെ നടി പരാതി നല്‍കിയിരുന്നു. ഏഴ് പരാതികളായിരുന്നു നടി നല്‍കിയത്. ഇതില്‍ ഒന്ന് ഇടവേള ബാബുവിനെതിരേയായിരുന്നു.