ഹൈദരാബാദ്:  ബോംബ് ഭീഷണിയെത്തുടര്‍ന്ന്  ഇന്‍ഡിഗോ വിമാനം വഴിതിരിച്ചുവിട്ടു. ജബല്‍പൂരില്‍ നിന്ന് ഹൈദരാബാദിലേക്ക് സര്‍വീസ് നടത്തുന്ന ഇന്‍ഡിഗോ 6ഇ 7308 വിമാനമാണ് നാഗ്പൂരിലേക്ക് തിരിച്ചുവിട്ടത്. 

ഞായറാഴ്ച ഉച്ചയോടെയാണ് സംഭവം. നാഗ്പൂര്‍ വിമാനത്താവളത്തില്‍ ഇറങ്ങിയതിന് പിന്നാലെ സുരക്ഷാ ഉദ്യോഗസ്ഥര്‍ വിമാനത്തില്‍ പരിശോധന നടത്തിയെങ്കിലും സംശയാസ്പദമായൊന്നും കണ്ടെത്താനായില്ല. വിമാനത്തിലെ ശൗചാലയത്തില്‍ കണ്ടെത്തിയ ഒരു കടലാസ്സില്‍ ഭീഷണി സന്ദേശമുണ്ടായിരുന്നു എന്നാണ് പൊലിസ് പറയുന്നത്.

'യാത്രക്കാര്‍ക്ക് സഹായവും ലഘുഭക്ഷണവും നല്‍കിയിട്ടുണ്ട്,  അസൗകര്യമുണ്ടായതില്‍ ഞങ്ങള്‍ ആത്മാര്‍ത്ഥമായി ഖേദിക്കുന്നു- എയര്‍ലൈന്‍ പ്രസ്താവനയില്‍ പറഞ്ഞു.