തിരുവനന്തപുരം: മലപ്പുറത്ത് പൊലിസില്‍ വന്‍ അഴിച്ചുപണി. ഡിവൈഎസ്പിക്ക് മുകളിലുള്ള എല്ലാ ഉദ്യോഗസ്ഥരെയും മാറ്റും. ഇത് സംബന്ധിച്ച ഉത്തരവ് ഉടന്‍ പുറത്തിറങ്ങും. ജില്ലയിലെ പൊലീസുമായി ബന്ധപ്പെട്ട് ഉയര്‍ന്നുവന്ന ആരോപണങ്ങളുടെ പശ്ചാത്തലത്തിലാണ് നടപടി. 

പൊലിസുമായി ബന്ധപ്പെട്ട് ആദ്യം ആരോപണം ഉന്നയിക്കുന്നത് പി.വി. അന്‍വര്‍ എംഎല്‍എ ആണ്. പിന്നീട് കെ.ടി ജലീല്‍ എംഎല്‍എ അടക്കമുള്ളവര്‍ പരോക്ഷമായ വിമര്‍ശനങ്ങള്‍ ഉന്നയിച്ചു. കൂടാതെ നിരവധി പേര്‍ മലപ്പുറം പൊലിസുമായി ബന്ധപ്പെട്ടുള്ള പരാതികള്‍ സമൂഹമാധ്യമങ്ങളിലടക്കം  ഉയര്‍ത്തുകയും ചെയ്തിരുന്നു.

ഈയൊരു ആരോപണ പരമ്പരയുടെ പശ്ചാതലത്തിലാണ് മലപ്പുറത്തെ പൊലീസില്‍ അഴിച്ചുപണിക്കുള്ള തീരുമാനത്തിലേക്ക് മുഖ്യമന്ത്രിയുടെ ഓഫീസ് എത്തിച്ചേര്‍ന്നിരിക്കുന്നത്. ഇതു സംബന്ധിച്ച ഉത്തരവ് ഉടന്‍ പുറത്തിറങ്ങും. ഡിവൈഎസ്പി, എസ്പി റാങ്കിന് മുകളിലുള്ള മുഴുവന്‍ ഉദ്യോഗസ്ഥരെയും മാറ്റുമെന്നാണ് റിപ്പോര്‍ട്ട്.

In a significant move, the Malappuram police department has undergone a major reshuffle, with the DYSP and several other officers being transferred. Get the latest updates on this development.